Xudun 25 Sep 2005 Buslahada ku dhaqan deegaamada Xudun, Fiqifuliye iyo Awrboogays ayaa subtida u Qabtay weerar ay Ku Soo Qaadeen Maleeysiyada dirta Waqooyi ee Riyaale Xukumo. 

Wararka Soo gaadhaya Radio Laascaanood ayaa sheegaya in maanta gelinkii dambe ay weerar ay qaadeen Malaysiyada Riyaale ee Muusa ismaaciil iyo Habar jeclo u yihiin Gadhwadeenka.

Weerarkaan oo bilowgii ka dhacay magaalada ardaa ayay kala kulmeen maleeysiyada Dirta waqooyi dagaal aanay filayn kadib markii ciidamada puntland ee ku sugan ardaa ay fooda is darsadeen kuna khasbeen ciidankii cadowga in ay dib ugu noqdaan meeshii ay ka yimaadeen.

Saacado kadib  ay malaysiyada dirta waqooyi ee soomaalidiidku waxay Qarda jeexeen dhinac soolka Loo yaqaan Sool Geriyo iyagoo ka gudbay Togga dhaabeedo isla markaana waxay isku dayeen in ay u gudbaan dhinaca Fiqifuliye.

isla markaa waxaa Fiqifuliye  agagaarkiisa ku sugnaa Ciidamada Difaaca ee Puntland una dhashay deegaankaas islamarkaana ku jiray heegaan aad u xoogan  kuna khasbay inay dib u gurtaan ciidankii cadowga ee Dirta Waqooyi kadib markii raasaas cul culus ooda  laysaga qaaday.

Mar Radio Laascaanood Xidhiidh la sameeyey degamada fiqifuliye ayay noo xaqiijiyeen in Maleeysiyada  snm uu halkaas kaga dhintay hal askri islama markaana aanay jirin khasaare ah oo soo gaadhay  dhinaca kale.

Sidoo kale magaalada awrboogays ayaa saaka shiid iyo orod lagaga saaray C/raxmaan Maxamed Talyanle oo isagu kursi doon ka ahaa maamulka dirta waqooyi islamarkaana waxaa isla goobtaas lagaga bur buriyey gaadhiguu watay wararka ayaa sheegaaya inuu u baxsaday dhinaca Kulaal oo galbeedka ka xigta awrboogays.

Degamada Xudun ayaa sidoo kale ay isku dayeen qolyaha u ololaynaaya sanaadiiqda aan xalaasha ahayn  ee laga diidan yahay deegamada puntland in ay uga sameeyaan xayaysiis qaar iyagu dhuun raacyo ah balse waxaa jeelka dugamada xudun la dhigay gebi ahaanba  ragaas kadib markay magaalada ka dhaliyeen buuq keenay gacan ka hadal laguna dhaawacay qaar ka mid ah kuwii rabshada dhaliyey.

Maxamed Cali Cilmi oo bare ka ah dugsiyada magaalada xudun ayaa noo sheegay maraanu khadka telfoonka kula xidhiidhnay in ay hadda degan tahay magaaladu isla markaana ay gacanta ku hayaan magaalada odayaasha iyo waxgaradku bal ay aad uga cadhaysan yihiin dadweynuhu wax uu ugu yeedhay doorasha kusheegta dabka lagaga shidaayo dhul aan belaayo ka jirin.

RadioLaascaanood1.com